Anembiak Latong Rebak Baru

Tabi Basa ngagai semua temuai..... Aku siko ari anembiak dayak rebak baru, ti deka mai semua dayak kemaia ari berunding bakani cara kitai dayak ulih sama taraf enggau bangsa bukai. Kediatu anang kitai silap, bangsa dayak agi tinggal laban bangsa bukai (Cina & Melayu). Ukai salah cina ukai salah laut, laban sida iya maju tegal tuai sida iya perihatin, tegal tuai sida bisi tanggung jawap nyadi pemimpin bangsa sida. Anang nyima ati meda sida maju, tang meh tau nyadi ke chuan teladan kitai dayak ngambi ke kitai "move forward" lalu ulih sama penuduk enggau sida. Piak mega tuai kitai dayak patut berunding bakani cara deka ngangkat ke martabat bangsa diri ari segi ekonomi, kelebih agi ba bangsa dayak dalam bidang "PERTANIAN" enggau cara komersial ti tau ngenatai ke hasil ngagai bangsa dayak tiap bulan. Awak ke bangsa dayak enda suntuk, ulih nyengula ke anak sampai ke peringkat ke tinggi. Ukai enggau mai kompeni besai ngereja tanah dayak enggau tuju "DEVELOPMENT" tauka "PEMANSANG". Nadai maioh dayak untung laban pemansang ti bakanya, laban aku kala meda penyampau terima sida. Kemanah agi tulung dayak ngepun ke dagang sida enggau cara bekebun cara komersial, nya baru project @ pemansang ke amat-amat ulih nulung bangsa iban menua pesisir. Arap ke bala kitai ke anembiak baru ulih enchelak enda agi tinggal penemu terpawah runding baka sida ke tuai kelia. Ukai mai nanah ke pembangkang tauka perintah, ukai mai ngelaban pembangkang tauka perintah. Tang meh mai ngiga jalai mansut ke dayak ari belenggu "KEMISKINAN" tauka ari penyuntuk. Udah kitai dayak ulih niri, negi ke ladang tauka kebun cara komersial ila baru kitai sedar nama reti project atap zink, project jelatung, project nyemin luar jalai rumah. Ukai mantah project, mai kita semua berati ke iya. Lalu kepenudi iya, aram meh kitai dayak rebak baru bela seati. Bela narit bala kitai dayak keluar ari belenggu penyuntuk ngambi ke ulih sama penuduk enggau bangsa bukai. Anembiak Latong Rebak Baru stanleymethew@yahoo.com +60198397752

Thursday, April 14, 2011

Kemengalka pending bekaul isu NCR: Rundi

Posted on April 13, 2011, Wednesday
Borneo Post Onlines


GAMBAR KENANG: Rundi (lima kanan) begulai enggau raban ke bukai ba rumah panjai lebuh bejalaika pengawa kimpin.

BINTULU: Pengari Kunsil Nengeri (DUN) Kemena Dr Stephen Rundi madahka, rayat ba Suai enggau Niah patut nulak raban penyakal ti ulih ngasuh penyerakup raban bansa tebererak.

Iya madahka, raban penyakal enggau naka ulih ngenataika isu Tanah Bansa Asal (NCR) dikena ngeruga runding rayat.

Isu ti dikenataika raban penyakal bekaul enggau tanah NCR ngagai rayat ba Suai tu udah lama.

“Rayat udah nemu penguntung nengah projek kerejasama tauka ngatika diri ba pengawa program pemansang tanah tu,”pia ku Rundi bejaku ba pengerami begulai enggau rayat ba Rumah Emperang Bayu, Sg Tutung,Batang Suai ditu.

Nyerumba nya, iya madahka rayat deka ngasaika penyenang enti tanah ulih dikemansangka kelebih ba pengawa nanam sawit.

“Barisan Nasional(BN) ulih nulung rayat ngemansangka tanah ti ulih nyungkukka penatai pemisi,”pia ku iya.

Iya ti mega nyadi Menteri Muda Pengerai enggau Perengkaguna Mensia Mayuh madahka, BN disadang ulih menang.

“Tu ulih dipeda nengah kaul sereta kerejasama ti diberi mensia mayuh ngagai BN ba DUN N.60 Kemena maya pengawa kimpin ti dipejalaika,”pia ku Rundi nerangka.

Berebak enggau nya, Rundi mega mujur bejalaika kimpin ngagai Rumah Merudi ba Suai enggau Rumah Jelian Lajon ba Ulu Niah.
Posted by at

2 comments:

  1. Venture Enggau Anembiak Latong Sesi 2011April 14, 2011 at 11:15 AM

    Nya meh gaya pengari kitai iban... Ukai iya enda meda kes di Niah beberapa bulan ti udah..agi ga ngasuh rakyat ngemengar ke pending tentang tanah NCR..

    ReplyDelete
  2. AnonymousApril 14, 2011 at 11:25 AM

    Jauh ke deka nulung bejako,nerang ngagai bangsa diri tang meh nyau nesat ke bangsa diri. Meri orang keliru. Iban enda buta YB, nemu reti utai...Sema bisi enda nemu engka siko dua meh... Sampai bala apek bayat ka munuh orang rumah panjai maianya ..be bai ka bom enggau duku...

    ReplyDelete

Subscribe to: Post Comments (Atom)