Anembiak Latong Rebak Baru: April 2012

Anembiak Latong Rebak Baru

Tabi Basa ngagai semua temuai..... Aku siko ari anembiak dayak rebak baru, ti deka mai semua dayak kemaia ari berunding bakani cara kitai dayak ulih sama taraf enggau bangsa bukai. Kediatu anang kitai silap, bangsa dayak agi tinggal laban bangsa bukai (Cina & Melayu). Ukai salah cina ukai salah laut, laban sida iya maju tegal tuai sida iya perihatin, tegal tuai sida bisi tanggung jawap nyadi pemimpin bangsa sida. Anang nyima ati meda sida maju, tang meh tau nyadi ke chuan teladan kitai dayak ngambi ke kitai "move forward" lalu ulih sama penuduk enggau sida. Piak mega tuai kitai dayak patut berunding bakani cara deka ngangkat ke martabat bangsa diri ari segi ekonomi, kelebih agi ba bangsa dayak dalam bidang "PERTANIAN" enggau cara komersial ti tau ngenatai ke hasil ngagai bangsa dayak tiap bulan. Awak ke bangsa dayak enda suntuk, ulih nyengula ke anak sampai ke peringkat ke tinggi. Ukai enggau mai kompeni besai ngereja tanah dayak enggau tuju "DEVELOPMENT" tauka "PEMANSANG". Nadai maioh dayak untung laban pemansang ti bakanya, laban aku kala meda penyampau terima sida. Kemanah agi tulung dayak ngepun ke dagang sida enggau cara bekebun cara komersial, nya baru project @ pemansang ke amat-amat ulih nulung bangsa iban menua pesisir. Arap ke bala kitai ke anembiak baru ulih enchelak enda agi tinggal penemu terpawah runding baka sida ke tuai kelia. Ukai mai nanah ke pembangkang tauka perintah, ukai mai ngelaban pembangkang tauka perintah. Tang meh mai ngiga jalai mansut ke dayak ari belenggu "KEMISKINAN" tauka ari penyuntuk. Udah kitai dayak ulih niri, negi ke ladang tauka kebun cara komersial ila baru kitai sedar nama reti project atap zink, project jelatung, project nyemin luar jalai rumah. Ukai mantah project, mai kita semua berati ke iya. Lalu kepenudi iya, aram meh kitai dayak rebak baru bela seati. Bela narit bala kitai dayak keluar ari belenggu penyuntuk ngambi ke ulih sama penuduk enggau bangsa bukai. Anembiak Latong Rebak Baru stanleymethew@yahoo.com +60198397752

Thursday, April 5, 2012

Amat ke enda?

Diambi ari: Borneo Post Onlines.

Sida semina landik bejaku bula sereta enda ulih mai pemansang
SRI AMAN: Kaban Parlimen Sri Aman, Masir Kujat sekali agi nesau mensia mayuh ba menua tu nyeliahka petenah ari raban penyakal ti seruran dituju ngagai perintah Barisan Nasional (BN) lalu seruran nyukung perintah ke diatu.
Ku masir, semua jaku petenah ari raban penyakal nuju ngagai perintah BN ngelamatu, iya ke endar utai nya semina deka ngelemika semangat ketuai BN tang ngeransingka agi ati ketuai ngambika bendar agi gawa ke ungkup rayat.
“Pengawa raban penyakal nya pengawa ti nadai meri sebarang penguntung sereta muai jam laban sida sigi enda ulih mai pemansang ngagai rayat.
“Nya alai, nuju ngagai rayat ke kala ngeringka raban penyakal maya pengawa bepilih suba, sekali agi aku minta kita ‘nanggam pengerindu’ enggau raban BN ungkup pemaik kitai,” ku iya.
Masir munyi nya maya diberi awak bejaku ba pengerami Ketuai Begulai enggau Rayat ke diatur Opis Pemadah Malaysia Pelilih Menua Sri Aman enggau kerejasama Komuniti 1 Malaysia Kampung Sabu bepalan di Rumah Kedeney, Kampung Beletik Undop, bedau lama tu tadi.
Nyerumba enggau nya mega, iya ngelalau rayat kelebiha agi diau mendam ba menua pesisir enda lemi ninga jaku petenah penyakal ke udah berengkah bekimpin ngagai endur nya ngulihka sukung mensia mayuh.
“Aku nemu kita ulih berunding enggau landik ni bagi ke jai tauka manah. Udah segenda dipeda mata, semua pemansang endang datai ari perintah BN tang ukai ari penyakal.
“Raban penyakal sigi landik bejaku bula lalu nguji deka ngeruga runding rayat ngambika nyukung sida. Penyakal enda ulih mai pemansang ngagai rayat,” ku tandu iya.
Nya alai ku iya, pengawa bepilih besai menua ke-13 ke deka diatur ba sebarang maya aruh dikena enggau memanah, besaup ngenanka pemujur BN Sarawak.
“Kitai aruh besaup enggau pangan diri sereta nyukung perintah ke diatu ngambika semua perambu pemansang ke udah digaga ulih dipejalaika enggau mujur,” ku iya.
Beduduk enggau nya, ku iya, aram meh sama dani ari tinduk, pemansang ti deka diasaika kitai enda ayan tekala nya. Nya alai, BN endang begunaka sukung rayat.
Dulu agi ari nya, pengerami nya udah dipenyadika Menteri Muda Pemansang Tanah Sarawak ke lalu nyadi Kaban Kunsil Nengeri (ADUN) Simanggang Datuk Francis Harden Hollis.

Timbal Aku: Rakyat bisi hak ngundi sapa-sapa ke dikedeka. Ti BN ngemuas ke ati tentu meh rakyat ka ngundi, tang ti peda sekeda ari rakyat nguing ngagai party bukai reti nya bisi penimpang ba BN anang kelalu emosional Iga. Ari perati aku ngelamatu, ukai mantah sapa-sapa. Bala ari BN ke udu ngaga fitnah serta nguna taktik kamah. Aku enda nahah ke pembangkang, tang ka ngingat ke sekeda raban ari BN. Pemansang ba tanggungjawab kita laban kita megai perintah kediatu, nya alai anang ngaga pemeri kita nya nyadi ke umpan. Beri meh enggau ikhlas, laban semua hasil negeri, cukai ba menua Malaysia tu rakyat bisi hak enggau ngempu. Enda milih iya ari party ni, anang lebuh bepilih aja kita ingat tang udahnya maioh agi ke pura-pura @ janji tinggal janji. Serta kepenudi aku ngari ke kami iban Machan, ti sema kita bala tuai tauka orang kuat perintah bisi macha blog tu. Mina siti peminta ke beamat-amat dikarap ke kami ari suba sampai kediatu, iyanya pala tanah.