Anembiak Latong Rebak Baru: Ulu Niah - Bala Samseng (Apek Bayat) ke dianjung BLD Company Resources

Anembiak Latong Rebak Baru

Tabi Basa ngagai semua temuai..... Aku siko ari anembiak dayak rebak baru, ti deka mai semua dayak kemaia ari berunding bakani cara kitai dayak ulih sama taraf enggau bangsa bukai. Kediatu anang kitai silap, bangsa dayak agi tinggal laban bangsa bukai (Cina & Melayu). Ukai salah cina ukai salah laut, laban sida iya maju tegal tuai sida iya perihatin, tegal tuai sida bisi tanggung jawap nyadi pemimpin bangsa sida. Anang nyima ati meda sida maju, tang meh tau nyadi ke chuan teladan kitai dayak ngambi ke kitai "move forward" lalu ulih sama penuduk enggau sida. Piak mega tuai kitai dayak patut berunding bakani cara deka ngangkat ke martabat bangsa diri ari segi ekonomi, kelebih agi ba bangsa dayak dalam bidang "PERTANIAN" enggau cara komersial ti tau ngenatai ke hasil ngagai bangsa dayak tiap bulan. Awak ke bangsa dayak enda suntuk, ulih nyengula ke anak sampai ke peringkat ke tinggi. Ukai enggau mai kompeni besai ngereja tanah dayak enggau tuju "DEVELOPMENT" tauka "PEMANSANG". Nadai maioh dayak untung laban pemansang ti bakanya, laban aku kala meda penyampau terima sida. Kemanah agi tulung dayak ngepun ke dagang sida enggau cara bekebun cara komersial, nya baru project @ pemansang ke amat-amat ulih nulung bangsa iban menua pesisir. Arap ke bala kitai ke anembiak baru ulih enchelak enda agi tinggal penemu terpawah runding baka sida ke tuai kelia. Ukai mai nanah ke pembangkang tauka perintah, ukai mai ngelaban pembangkang tauka perintah. Tang meh mai ngiga jalai mansut ke dayak ari belenggu "KEMISKINAN" tauka ari penyuntuk. Udah kitai dayak ulih niri, negi ke ladang tauka kebun cara komersial ila baru kitai sedar nama reti project atap zink, project jelatung, project nyemin luar jalai rumah. Ukai mantah project, mai kita semua berati ke iya. Lalu kepenudi iya, aram meh kitai dayak rebak baru bela seati. Bela narit bala kitai dayak keluar ari belenggu penyuntuk ngambi ke ulih sama penuduk enggau bangsa bukai. Anembiak Latong Rebak Baru stanleymethew@yahoo.com +60198397752

Saturday, February 26, 2011

Ulu Niah - Bala Samseng (Apek Bayat) ke dianjung BLD Company Resources

Anembiak Latong Rebak Baru

Ulu Niah- 100iko bala apek bayat ke dianjung siti ari kompeni kelapa sawit (BLD) ka bisi penanggol enggau dua buah rumah panjai, Rh. Ranggong enggau Rumah Belilie datai ngagai letan tanah NCR sida menuanya bebai ka senjata, enggau bom (explosive) dikena sida ngenakut ke bala dua buah rumah panjai nya.
Tuai Apek Bayat Ditangkap Polis

Apek Bayat bangsa iban ke mina nerima bayar RM100 ari company

Bom (Explosive) ke dibai

Beduduk ari tu diak kitai dayak sama nemu pemendar-mendar company serta orang bukai ka ngambi tanah adat kitai baka ke nyadi di Niah tu. Nyau sampai bebai ke senjata kena bebunuh.

Pia mega bala apek bayat tu ngaga langkau (Khemah) ba semak enggau tanah NCR dua buah rumah panjai tu,serta tuju sida tu endang sigi deka nyerang sida dua buah rumah panjai tu.

Khemah alai bala apek bayat

Kompeni BLD tu patut diukum berat ari segi undang-undang, laban ti beguna ke samseng ngeremba orang rumah panjai pia mega bebai ke senjata ti ulih ngenatai ke penusah (Bom/Explosive. Tang nama kebuah mina ketuai samseng aja ti ditangkap tang bala iya bukai diasuh pulai pia aja?
Bakatu meh gaya company, laban ngasai diri kaya bisi duit sepeneka ati deka ngereja tanah adat kitai dayak. Pia mega sida kebisi kaul enggau orang pemesai.
Endang sigi disadang ti sema sida majak beguna ka bala apek bayat mejal bangsa dayak nyerah ke tanah, bisi maia iya ila utai kenyadi di Ulu niah taun 1999 tau nyadi baru. Pia mega ngagai bala apek bayat iban, pikir-pikir meh dulu sebedau nulung bangsa bukai ngerompak tanah dayak.

Ngagai bala sida Rumah Ranggong & Rumah Belilie terus ke ngelaban sida ke deka ngerampas tanah kita. Anang kiruh takut ke apek bayat, takut ke keremba sida. All the best, no pain,no gain....

Anembiak Latong Rebak Baru