Anembiak Latong Rebak Baru: Pemansang Di Menua Machan Bai BN

Anembiak Latong Rebak Baru

Tabi Basa ngagai semua temuai..... Aku siko ari anembiak dayak rebak baru, ti deka mai semua dayak kemaia ari berunding bakani cara kitai dayak ulih sama taraf enggau bangsa bukai. Kediatu anang kitai silap, bangsa dayak agi tinggal laban bangsa bukai (Cina & Melayu). Ukai salah cina ukai salah laut, laban sida iya maju tegal tuai sida iya perihatin, tegal tuai sida bisi tanggung jawap nyadi pemimpin bangsa sida. Anang nyima ati meda sida maju, tang meh tau nyadi ke chuan teladan kitai dayak ngambi ke kitai "move forward" lalu ulih sama penuduk enggau sida. Piak mega tuai kitai dayak patut berunding bakani cara deka ngangkat ke martabat bangsa diri ari segi ekonomi, kelebih agi ba bangsa dayak dalam bidang "PERTANIAN" enggau cara komersial ti tau ngenatai ke hasil ngagai bangsa dayak tiap bulan. Awak ke bangsa dayak enda suntuk, ulih nyengula ke anak sampai ke peringkat ke tinggi. Ukai enggau mai kompeni besai ngereja tanah dayak enggau tuju "DEVELOPMENT" tauka "PEMANSANG". Nadai maioh dayak untung laban pemansang ti bakanya, laban aku kala meda penyampau terima sida. Kemanah agi tulung dayak ngepun ke dagang sida enggau cara bekebun cara komersial, nya baru project @ pemansang ke amat-amat ulih nulung bangsa iban menua pesisir. Arap ke bala kitai ke anembiak baru ulih enchelak enda agi tinggal penemu terpawah runding baka sida ke tuai kelia. Ukai mai nanah ke pembangkang tauka perintah, ukai mai ngelaban pembangkang tauka perintah. Tang meh mai ngiga jalai mansut ke dayak ari belenggu "KEMISKINAN" tauka ari penyuntuk. Udah kitai dayak ulih niri, negi ke ladang tauka kebun cara komersial ila baru kitai sedar nama reti project atap zink, project jelatung, project nyemin luar jalai rumah. Ukai mantah project, mai kita semua berati ke iya. Lalu kepenudi iya, aram meh kitai dayak rebak baru bela seati. Bela narit bala kitai dayak keluar ari belenggu penyuntuk ngambi ke ulih sama penuduk enggau bangsa bukai. Anembiak Latong Rebak Baru stanleymethew@yahoo.com +60198397752

Thursday, March 24, 2011

Pemansang Di Menua Machan Bai BN - Utusan Borneo

Tabi bala temuai ke bisi sangkai dalam blog aku "Anembiak Latong Rebak Baru".
Nyadi pagi tadi nyau ke puas duduk di kedai kopi di Machan datai siko kaban mai surat khabar "UTUSAN BORNEO" ke bisi ngelansa senentang pemansang di Menua Machan. Lama aku berunding nama tuju YB Gramong Juna ngenatai ke buah penemu ke bakatu madah ke bisi pemansang di Menua Machan.

Enda salah madah ke pemansang ti iya amat bisi tang anang kelalu ngumbai bai perintah BN. Ti jalai, agi pegai parti Dayak suba sigi udah meh bisi jalai. Enda patut orang BN aja mayar road tax kereta orang pembangkang enda.Ti nadai jalai enda ga orang Machan meli kereta kurang ga siti area kena nambah ke dagang BN (proton).Pia mega iya bisi ngelansa pemansang ba tali kangau @ handphone. Kati ko telefon ke dikemisi orang di Machan beri BN? Kredit telefon BN top up? Tower telefon kebisi di Machan nya siti ari dagang, kati ko enda pia deh sari berapa orang ke ngena line telefon, berapa juta untung telekom?

Ke amat-amat ti ka meda pemansang serta meda rakyat menua Machan mansang bantu sida ari segi utai ke tau ngenatai ke hasil @ sumber pendapatan ngagai dayak. Bantu sida nubuh ke ladang ba tanah NCR @ NCL anang meri tanah nya ngagai bala company besai, company cina. Nyadi bangsa dayak ulih bulih income tetap tiap bulan, ulih untung maioh. Ari bisi duit nya meh iban tauka dayak ulih mansang sebaka enggau bangsa bukai. Ukai ari project atap zink, project anak manuk, project beras serta macam-macam ago project ti ngasuh iban maju @ mansang.

Nyadi pesan aku ngagai anembiak rebak baru, berunding meh kitai ke nama utai tau ngasuh kitai mansang enda tinggal ari bangsa bukai. Anang ngiga pengari ke bago, iya ke iso giga pengari ke nemu bejako.

Nya aja.

Thank & Regards,
ALRB